<link rel="stylesheet" id="magplus-material-icon-css" href="https://fonts.googleapis.com/icon?family=Material+Icons&amp;ver=1.0" type="text/css" media="all">

اكتب للبحث

أسهل طريقة لعمل العيش الفينو كالمحترفين في 2020

يحتار الكثير منا في طريقة صنع العيش الفينو وقد تبدو الطريقة صعبة في بعض الأحيان أو نحتار في شراء العيش من المخبز وذلك لبعد المخبز عن  مكان السكن أو  لعدم من يحضر لنا العيش من المخبز وتذمر الأولاد في شراء العيش من المخبز أو لازدحام المخبز أو لرداءة وصغر حجم العيش الذي ينتجه المخبز فعندها يجب علينا أن نعرف ونتعلم طريقة صنع العيش الفينو في البيت بأسهل طريقه ولا المحترفين ووقتها هنكون( ضربنا كذا عصفور بحجر) على رأى والدتي  والعصافير بمعنى الفائدة والفائدة هي’ التوفير ’ والنظافة ’وعدم ألاحتياج ألي أحد

المكونات

  • دقيق أذا أردنا عمل 12 رغيف نستخدم نص كيلو دقيق نجيبة من العطار ينفع أو الفران ينفع أو نوع نضيف من عند السوبر ماركت أو محل بيبيع مستلزمات الدقيق والمخبوزات
  • كوب واحد زبادي بلدي
  • ثلث كوب من الزيت ويفضل من الزيت الذي يستخدم للطهي وممكن أي نوع عادى
  • كوب لبن دافئ وليس ساخنا بعد الغليان
  • الخميرة تكون من النوع التركي ودا الأفضل لتحقيق الفائدة المرجوة(ملعقتين صغيرين خميرة فورية أو ملعقه مليانة كبيرة )
  • ملعقتين كبار سكر
  • كيس بيكنج بودر ويا ريت نوع جيد نسأل اللي هنشترى منه وهو هيقلنا  النوع الجيد وذلك لضمان جوده صنع العيش
  • وأخيرا ذرة ملح

طريقه عمل العيش الفينو كالمحترفين

نحضر أناء للعجن ثم نحضر الدقيق ونضعه بالأناء ونضع علية كوب الزبادي ثم نضع علية ثلث كوب الزيت وبعد ذلك نضع كوب اللبن الدافئ ثم نضع الخميرة وملعقتان السكر وكيس البيكنج باودر ونضيف عليهم ذرة الملح ونبتدي بعجن جمي المكونات ولو احتاجت العجينة  قليل من الدقيق نزودها بالشوية ألي  أن نشعر بأن العجينة لا تحتاج دقيق مرة أخري ونلاقى العجينة بتلزق في الأيد مش مشكله يعنى لا تكون العجينة سايبة خالص ولا ناشفة خالص تكون وسط وأنتي بخبرتك بقي في الشطارة وسر نجاح العيش الفينو في الخميرة  بس في ملحوظة هنقولهالكم قبل ما نكمل طريقة العمل (الخميرة لما بنجيبها بنجربها الأول مع لبن فاتر فاتر يعني لما تلمسيه تكون حرارته زي حرارة دمع العين  لو فارت نستخدمها علطول أما لو ما فارتش يبقى فاسدة ومركونة ويجب تغيرها في الحال وممكن نجيب خميرة من الفرن ونأخذ قطعة صغيرة في حجم البلية )ثم بعد ذلك نترك العجينة لتخمر أول مرة تتخمر هتا خد نص ساعة تانى مرة هتتخمر تأخذ ساعة ومنحاولش نزود ساعات التخمير عشان لو وقت التخمير زاد العجين هتهبط منك وتبوظ بعد ما العجينة تخمر تتقطع دواير قد حجم البيضة وكل دائرة نفردها بالنشابة زي شكل رغيف العيش البلدي وبعدين نلفها على شكل رغيف الفينو ونقفل الأطراف بتاعتها كويس  ونحضر بعد كدا الصيجان ونضعهم في الصيجان ونسيبهم يخمر بمقدار تلات أضعاف العجينة ونغطيه عشان الوجه مينشفش

طريقة دهان وجه رغيف الفينو وطريقة تسويته

نحضر فنجان لبن وثلاث معالق لبن بودرة ونقلبهم جيدا إلى  أن يمتزجا وندهن بية وش الرغيف الفينو وممكن نرش سمسم على الوجه ولازم نكون مولعين الفرن قبل وضع العيش الفينو بها بربع ساعة وندخل الصاج في الرف الأوسط حوالى عشر دقائق وفى الآخر بنولع الشواية دقيقتين لتحمير الوجه وأول ما يستوى العيش وبعد ما نطلعه من الفرن نغطيه بفوطة عشان يحتفظ بطريانه ولو عملنا كمية كبيرة وحبينا نحفظها نضعها في الفريزر نضعها  في أكياس نايلون ونستخدمه وقت اللزوم ولازم منسبهوش برة كتير عشان لما نيجى نستخدمه يفرول مننا

نتمنى أنكم تكونوا استفدتم وأن الموضوع يكون عجبكم

 

 

أفيرني تريند:

اترك تعليق

Your email address will not be published. Required fields are marked *