<link rel="stylesheet" id="magplus-material-icon-css" href="https://fonts.googleapis.com/icon?family=Material+Icons&amp;ver=1.0" type="text/css" media="all">

اكتب للبحث

نصائح علاجية لتربية الاطفال من دكتورة تعديل سلوك، لا تفوتك.

كتير مننا بتحصل معاه هذة الأشياء فى مرحلة تربية اطفالنا ويكاد يكون معظمنا بيحصل معاه كده.

عشان كده النهارده قلنا نعرضلكم بعض عءة الأشياء عشان الكل يستفاد بأذن الله
دكتورة تعديل سلوك النهارده قالتلي شويه نصايح هقولهالكوا لعلها تنفع حد 💛.

الطفل وأمه

  • العياط ملوش عقاب يعني مينفعش تزعلي منه انه بيعيط، العقاب على الخطأ بس، والتصرف السليم مع العياط التجاهل مهما كان المكان والناس اللي حواليكي.
  • يعني يعيط سيبيه يعيط ولا تقولي بس ولا تحاولي تراضيه ولا تسهيه ف حاجه تانيه ولا تقوليله هزعل منك ولا كده عينك هتوجعك.
  • مفيش اي كومنت ولما يخلص عياط متلمهوش ع العياط ولا نقولي انا زعلانه انك عيط، العياط دا تعبير عن الشعور مش خطأ.
  • الموبايلات والتاب والتلفزيون ساعه ف اليوم مقسومه علي مرتين لان دا بيأثر ع التركيز مهما كانت الاستفاده.
  • ممنوع الاطفال تنام ف نفس الاوضه مع الاب والام بعد سنه.
  • قبل الخروج لازم يكون فيه اتفاق على اللي هيحصل دا هيقلل المشاكل.
  • يعني احنا رايحيين كارفور انهارده هنجيب حاجات للبيت وانت هتجيب حاجه واحده وهنلعب لعبتين بس.
  • لو وافق اوك اعترض يبقى خلاص مش هنخرج واللي اتفقنا عليه مش هيتغير مهما حصل.

الطفل والآخرين

  • الطفل لو عمل حاجه غلط قدام حد مينفعش توجه قدام الناس بتاخده ع جنب او ف اوضه تانيه وتعرفه غلطه ولو غلط ف حد برضه متزعقلوش قدام الناس ع جنب وتوجهه وبعدين تطلعه يعتذر.
  • ممنوع يدخولوا الحمام معانا او يشوفوا الام والاب اثناء تغيير الهدوم.
  • متعمليش حساب لاي حد ع حساب ولادك لو وسط مول وسط اهلك ف تاكسي اي حاجه تعملي الصح، بغض النظر عن الناس متقوليش هسكته مثلا باي حاجه عشان الناس، الصح يتعمل تحت اي ظرف.
  • متخليش ولادك مكتفيين 100%مش كل حاجه عندهم مش كل حاجه عاوزنها تيجي لان دا ممكن يوصلهم للسرقه.
  • لانهم لما يشوفوا حاجه مع حد مثلا ومش عندهم هيمدوا ايدهم وياخدوها لانه متعود معاه كل حاجه عاوزها.

الطفل والأشياء

  • ممنوع ياخدوا اي لعبه من عند حد وهما نازلين وممنوع تدي اي لعبه من لعبهم لحد حتى لو بموافقتهم لانهم بعد كده هيشوفوا ان عادي ياخدوا من عند حد طلاما الناس بتاخد منهم.
  • لازم وهما بيلعبوا يعرفوا ان في مكسب وخساره ولو رفضوا متلعبيش معاهم او وقفي اللعب.
  • لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتقفي معاه انه هيلعب مع الضيوف باللعب ولو رفض يبقى خلاص متلعبش وهما هيلعبوا لوحدهم.
  • بالنسبه للشيبسي والبيبسي مهما هتمنعيه وهو صغير مسيره لما يكبر هيطلب ياكله او يشربه.
  • الحل لما هيطلب كده او لو هو بيحبهم اصلا يبقى نتفق انه مره واحده ف الاسبوع لينا وليه.
  • مينفعش احنا ناكل ونشرب قدامه ونقوله انت لا هي مره واحده ف الاسبوع بس.
  • الكلمه اللي تتقال تتنفذ ممكن تديله مهله ينفذها بس لازم تتنفذ.
  • يعني مثلا لم اللعب قال لا اقول تاني لم اللعب لو قال لا طب انا هعد من 1 ل 5 تكون لمتها لو متلمتش تحرميه من حاجه معينه بيحبها.
  • وتخلقى عقاب وهمي انت معملتهاش طيب خلاص مش هنعمل سوا الكيك اللي كنا هنعملها سوا انهارده.
  • مينفعش نقول هقول لبابا لما يجي وبابا هيزعق قالتلي دا غلط جدا.
  • انتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا.

إن شاء الله تكونوا استفدتم من النصائح دى وربنا يكرمك يا فى اولادكم يا رب ويحفظالكم  عليهم من كل سؤ.

أفيرني تريند:

اترك تعليق

Your email address will not be published. Required fields are marked *